Bolla og Belgur í London

Helgin nálgast óðum og er það bæði gott og vont! Mér til lítillar gleði er Björg "stóra" systir að fara aftur til Ungverjalandsins ljóta (segi nú bara svona) á morgun og ég hitti hana ekki fyrr en í sumar. Tja, ekki nema mér takist að skrapa saman einhverjum smáaurum og fara bara í heimsókn:) Hins vegar er ég líka að fara að hitta Ingu og Birnu annað kveld og munum við njóta góðra veitinga og dreypa á góðu víni... sú blanda klikkar aldrei og spái ég því miklu stuði. Á laugardagskveld ætla svo hin alræmdu Ketone Bodies að hittast á Stælnum eða öðrum góðum og verður það eflaust minna stuð en kvöldið áður. Einhvern tímann í millitíðinni gríp ég svo eflaust í skólabók og knúsa jafnvel kallinn...Ekki verður minni gleði helgina þar á eftir því loksins, loksins er búið að setja dagsetningu á margumtalað fermingarpartý hjá okkur vinkonunum. Þar verður fermingarkjóll skylduklæðnaður og nú verð ég bara að kasta mér inn í geymslu og krossa fingur að ég hafi ekki hent mínum í einhverri maníu.... þar til næst!

posted by Olof @ 20:55